ORANJESTAD (AAN): Durante e evento special di ‘Sport Expo’ na Centro Deportivo Betico Croes pa honra e hobennan cu a sobresali ultimo temponan y bira campeon den Weganan di Scol y tambe Weganan Interinsular,
a nota presencia di Premier Rob Jetten di Hulanda. El a topa cu Ministro di Deporte Gerlien Croes, kende a mustra e hefe di gobierno Hulandes, con importante e deporte ta ser inculca den educacion na Aruba, ta produciendo resultadonan positivo pa e mas di 150 hoben di 16 diferente scol cu tabata presente. Premier Jetten a divulga cu e mes ta practica deporte henter su bida, y a enfatiza riba e importancia pa esaki yuda cada individuo mantene un bida saludabel. Despues di esey, Premier Jetten a hasta actua como coach y apoya e hobennan durante diferente competencia teni e mainta ey.
