ORANJESTAD (AAN): Relaciona cu e censo economico “Economic Census 2023” cu lo tuma lugar for di 14 di April te cu fin di Juni, Oficina Central di Estadistica (CBS) ta lanza e formulario di afspraak pa negoshinan.
Riba e website di CBS www.cbs.aw lo tin un formulario digital disponibel unda cu negoshinan por scoge e dia y orario cu kier worde encuesta. CBS lo zorg pa manda un encuestador na e fecha y orario stipula pa haci e encuesta.
Pa haci un afspraak mester djis subi riba e website di CBS, click riba e boton pa haci afspraak y yena e siguiente informacion, esta nomber di e compania, adres, telefon, email, persona di contacto di e compania, dia cu kier worde bishita, ora cu kier worde bishita, y nomber di e persona cual e encuestador lo tin un afspraak cune pa por haci e entrevista.
Pa tur otro informacion di e Censo Economico por tuma contacto cu CBS durante oranan di trabao y puntra pa e team di Economic Census 2023. Nan ta agradeci ya caba na tur instancia pa nan cooperacion.
