Porfin Mustang Club a tene su 2ndo anual Roland Thijsen Memorial Ride

ORANJESTAD (AAN): Recien a tuma lugar e di segundo anual Roland Thijsen Memorial Ride, organiza pa Mustang Club Aruba.

   E evento aki tabata planea pa tuma lugar dos aña pasa, sinembargo debi na e pandemia el a wordo posponi.

   E Memorial Ride ta dedica na Roland Thijsen kende tabata e prome president di Mustang Club Aruba.

   Pa resto di aña tin varios actividad planea, incluyendo esun grandi cu lo ta e Car Show cu ta relaciona cu e di 25 aña di existencia di Mustang Club Aruba.  Esey lo ta durante luna di Augustus venidero.  E lo bay combina cu kizas 3 dia di actividad, y lo bay busca invitados di exterior pa ta presente.

   E lo ta un Car Show all around pa tur hende por mir’e den show.