Suplica na Minister Rene Herde
ORANJESTAD (AAN)—Manera DIARIO a trece dilanti den su edicion di Dialuna ultimo, tin un bario na Ponton cu ta urgi di atencion di Minister di Infrastructura y DOW, pasobra e condicionnan di e caminda ta hopi peligroso pa e peaton, cu no tin acera pa cana, y aworaki menos, pasobra e ta full tapa cu hierba, y banda di esaki pa drenta den e caminda di tera dilanti Ponton 81, no por evita cu e habitante (cu no tin auto), su pianan ta bay bao di tera y hasta core riesgo di cay dal duro na su curpa.
E dos potretnan hunto cu e articulo aki ta mustra parti di e situacion fastioso aki, cu e habitantenan concerni ta spera reaccion y accion, di Minister di Infrastructura y DOW. Tin mas di un decada cu tin reclamo riba esaki pero ningun gobierno a pone ningun tipo di atencion.
