A celebra Dia Mundial di Parhanan Migratorio
ORANJESTAD (AAN): Bo tabata sa cu tin por lo menos 4,000 diferente especie di pahra cu ta migra!? E cantidad aki ta somenta 40% di ful e populacion di tur pahranan mundialmente!
Dia Mundial di Pahranan Migratorio (WMBD) ta un dia internacional cu ta wordo celebra dos biaha pa aña riba e dianan cu mas trafico di pahra migratorio (e di dos diasabra di Mei y Oktober).
E dos dianan aki ta wordo celebra pa duna atencion na e fenomeno mundial di e migracion di pahranan y pa concientisa hende tocante pahranan migratorio y e retonan cu ta wordo encontra relaciona cu e conservacion di nan. E ta destaca e importancia di cooperacion internacional y ta encurasha accion nacional y local pa proteha pahranan migratorio.
E origen di e Dia Mundial di Pahranan Migratorio por wordo identifica na e aña 1993, ora e dia aki a wordo crea pa pone e publico su atencion su enfoke na e necesidad pa cooperacion internacional pa conserva pahranan migratorio y nan habitat.
Casi tres decada despues, el a bira un esfuerso global unda tambe a destaca varios retonan manera cambio climatico, bareranan di migracion, a matamento ilegal di pahranan, y contaminacion pa medio di plastico.
WMBD2022 su tema ta polucion pa medio di lus y e impacto riba pahranan migratorio.
Esaki ta un informacion importante cu Parke Nacional Arikok a comparti riba nan Facebook Page.