Pop-up Market di Diasabra tabata esun mas exitoso te ainda

ORANJESTAD (AAN): Manera ta conoci, riba Diasabra mainta a tuma lugar un otro Pop-Up Market na Plaza Lolita na San Nicolas.

   E prome edicion di 2026 tabata esun mas bishita te cu awo, y e tabata uno cu tremendo ambiente unda cu e notanan musical di steelband a duna e ambiente un toke Caribense.

   Cu e musica di steelpan, yen di turista y tambe hendenan local a cana rond y sostene e bendedornan local.

   Un di esnan cu tabata orguyoso ta Ministro Geoffrey Wever, y el a gradici tur esnan cu a bishita e San Nicolas Pop-up Market riba Plaza Lolita riba Diasabra mainta.

 El a splica cu Gobierno y Aruba ta sigui conta riba e sosten di comunidad henter pa sigui rebiba e centro di San Nicolas.