Betico a percura pa separacion di bienes di SVB y aumento pensioen
*Mike Eman a pone fondo di pensioen na peliger cu maneho financiero
*Gobierno Wever-Croes a percura pa sobrevivencia SVB den pandemia
ORANJESTAD (AAN) — Despues di e pusha Aruba den estado di bancarota y mester acepta na caminda pa eleccion 2024 cu su contrincante principal MEP a remedia e desastre financiero cu dos Gobierno Mike Eman a laga atras, AVP a exigi pa Aruba e situacion historico cu un delincuente, pues un persona condena pa Huez pa prison pa crimen cu directamente ta afecta Aruba, keda cu e posicion di Miembro di Parlamento, aunke Huez a mustra cu e sentencia cu e no por wordo eligi pa Parlamento.
AVP atrobe kier cumpra curazon di Aruba cu un macuto di promesa, aunke ta AVP a percura pa Aruba awe no por uza e placanan cu e recuperacion financiero di Aruba ta produci exclusivamente pa duna Arubianonan mas beneficio.
Pa scapa su cara awe AVP ta bolbe na e estrategia cu e por aumenta pensioen di behez despues cu e logro di Betico Croes, cu AVP a nenga di entrega liderato di AVP y riba su mes a haci loke AVP no por a logra nunca cu ta Status Aparte, cu a permiti e seperacion di bienes di Antia y a entrega Aruba e fondo di SVB cu ta encarga cu Pensioen di Behez di Aruba.
E hecho cu Aruba tin su propio fondo di pensioen di behez, SVB, ta basa riba trabou di Betico Croes, e heroe di Aruba cu AVP a rechaza y cu a exigi cu su lucha pa den e seperacion di bienes, Aruba ricibi su parti den SVB pa asina Aruba a introduci su propio SVB.
Ta di e forma aki, ora Betico a logra Status Aparte pa Aruba y na un forma di traicion a wordo laga for di e prome Gobierno di Aruba cu a wordo forma cu politiconan cu tabata contra Status Aparte di Aruba, AVP a uza e logro di Betico cu el a nenga como lider.
Tabata Betico Croes cu a exigi pa SVB ta den man di e Pueblo di Aruba pa medio di e Separacion di Biennan di Antia Hulandes.
Esaki a haci cu SVB Aruba durante e prome Gobierno di Aruba, cu tabata logro di Betico Croes, bou mando di e coalicion cu a percura pa Betico no bira Prome Ministro di e pais cu Betico a percura pa nace, a bira realidad.
E traicion politico di Betico Croes a haci cu e fondo di SVB por a wordo uza dor di e Prome Gobierno di Aruba cu ta AVP, di AVP, cu no por a entrega Aruba loke Betico Croes a logra pa e pais.
Ta e logro di Betico Cries cu AVP a nenga, a haci cu e Gobierno di AVP por a dicidi pa e fondo di pensioen di Aruba, cu tabata logro di Betico Croes.
Awe atrobe e partido di Mike Eman, cu for di momento cu Aruba a nace te awe ta practicamente completamente den servicio paga dor di Pueblo di Aruba, kier bolbe hunga cu e fondo di Pensioen di Behez pa kita bista di Pueblo di e abuso cu AVP a comete cu placa di Aruba.
Na 2024 loke a resta di fraccion di AVP den Parlamento, ta na caminda pa nan Pensioen di Behez, cu no ta un salario pero un asistencia social cu ta brinda grandinan , pa nan sobrebibi nan behez.
No ta trata di un salario, ni por wordo mira como tal pasobra e grandinan cu ta biba di pensioen di behez, ya ta depende di loke Ley ta exigi, cu ta e asistencia di nan miembronan di famia.
Ley ta tene famia responsabel pa e bienestar di mucha, ancianco y tur miembro di famia cu no ta capacita pa biba riba mes.
Ta pa evita cu na forma individual Pueblo no por cuida e grupo aki, ley a introduci un seguro nacional cu tin sosten financiero di Gobierno tambe..
E seguro aki ta wordo paga pa medio di prima, mescos cu tur otro seguro pa asina tin fondo pa cubri gastonan.
Na 1986, AVP a uza e logro di Betico Croes pa dicidi kico ta haci cu e parti di Aruba den e fondo Antiano di Pensioen di Behez cu lucha di Betico Croes a entrega Aruba.
Despues e abuso financiero di Mike Eman a amenaza e entrada di pais Aruba cu ta yuda sostene e fondo di pensioen, cu prima di tur cu entrada ta cubri manera ta e caso den un seguro.
Awe e bon trabou di Gobierno Wever-Croes a haci cu e fondo di pensioen di Aruba no a collapse den e Pandemia cu a deshaci di entrada di trahadornan y prima di e seguro.
Ta un berguensa cu atrobe AVP, cu lidernan cu pronto lo cuminsa ricibi nan pensioen di bez, atrobe kier uza grandinan y nan dolor pa haya voto pero tambe goza di un pensioen mas halto.
E edad di e actual miembronan di fraccion di MEP,ta papia un palabra cla.
