WILLEMSTAD: Siman pasa, Cuerpo Policial Curaçao a emiti un boletin urgente pa solicita yudansa di comunidad
pa yuda nan cu tip di oro, pa asina por detene un persona cu ta wordo busca.
Polis ta buscando tur skina e momentonan aki na e isla, pa e hoben Ackeem Marlando Jozef Mathilda di 17 aña di edad, naci na Curaçao. Ta hasta pidi yudansa di autoridadnan di Aruba y Bonaire pa tira bista p’e.
E hoben Ackeem ta sospecha di ta envolvi den casonan di atraco violento na Curaçao, tambe den multiple casonan di extorsion, casonan di encubrimento (‘heling’), y tambe violacion flagrante di Ley di Arma di Candela. Pues e persona aki ta ‘vuurwapen gevaarlijk’.
Polis na Curaçao ta pidi tur persona cu por duna cualkier informacion tocante e hoben sospechoso aki, pa contact Polis na e isla Curaçao mes via e number anonimo special pa e isla, esta ‘108’.
