PUNTO FIJO: Na e beach conoci como ‘El Tomborón’ cu ta keda apenas 900 meter for di e Punto di Control Cararapa,
Guardia Nacional Bolivariana a intercepta un cargamento di droga! Ta trata aki di tres paki grandi, cu ta contene 53 paki aden, pa un total di 29,8 kilo di marihuana.
E infromacion a wordo confirma na prensa pa General Miguel Morales Miranda, kende a bisa cu danki na e investigacion haci pa diferente unidad di Guardia Nacional Bolivariana, den fin di siman den oranan di anochi a logra di intercepta e droga aki.
Den e caso aki, dos persona a wordo gara y mesora a keda aresta.
E droga tabata dera bao di santo na beach, sperando e momento oportuno pa hisa esakinan riba boto y sali cu nan riba lama pa destino desconoci. Polis ta spera cu interogando e dos persona aki, lo por haya sa ki destino e droga aki tabatin.
