Pius X School feliz cu nan eBoards

ORANJESTAD (AAN): Prome Minister Evelyn Wever-Croes hunto cu Presidente di Parlamento Edgard Vrolijk y Parlamentario Hendrik Tevreden

a bishita Pius X School na Dakota y a admira con e docentenan y muchanan ta traha cu e materialnan cu nan a gana cu e proyecto di Edutech. Por corda cu Pius X a logra gana un total di 7 eBoard pa 7 di nan klas lokaal. Pa completa 9 klas, a haci un peticion na WEB Aruba NV pa sponsor e otro 2 eBoards cu falta.

E peticion aki a wordo aproba, y awe Pius X School tin un eBoard pa cada klas.