ORANJESTAD (AAN): Siman pasa den oranan di mainta, un speedboat special tipo Metal Shark di Guardacosta di Caribe Hulandes, a intercepta un boto piscado Venezolano den awanan teritorial di Aruba.
E boto aki tabata algun miya pazuid di e bahia di San Nicolas. Nan a bin detecta cu e boto nabegando bao nomber ‘Mi Angel Gabriel I”, tin 4 persona masculino abordo, y nan tabata pisca cu e asina yama ‘palambra’ den awanan teritorial.
Mesora personal di Guardacosta a duna ordo pa saca e palambra for di awa. Ley no ta permiti pa pisca cu palambra den awanan teritoria.
Despues di mas investigacion y den deliberacion cu Ministerio Publico, a confisca e palambra cu e piscanan. Despues di esaki e Capitan y su tripulacion a wordo instrui pa regresa direccion zuid pa sali di awa di Aruba. Asina e por a bay bek rumbo Venezuela cu nan lancha.
