Piscadornan balente di Aruba cu abundancia di pisca e dianan aki

ORANJESTAD (AAN): Por a compronde for di varios piscado, cu e dianan aki tin abundancia di pisca. 

Algun piscado cu tin varios tempo sin subi lama, ta raportando cu nan ta capturando algun pisca di bon kilahe e dianan aki, tur rond di Aruba.

   Santa Rosa tambe a tuma nota di esey, y a comparti e potretnan aki saca ultimo dianan, y nan a titula esaki ‘Piscadornan balente di Aruba’.  E potretnan ta pa cortesia di Marcel Briesen, kende a mustra con exitoso nan captura ta, tanto den dia como den anochi.

   Pues por lo pronto tin tiki mas pisca fresco riba mercado local, y tur esaki sigur danki na e piscadornan balente di Aruba.