Pintor Claude Wever a presenta su expo “Memorianan Subconsciente” na Biblioteca Nacional

ORANJESTAD (AAN) -- “Subconscious  Memories” (Memorianan Subconsciente) ta un exposicion presenta, recientemente,

un anochi, na Biblioteca Nacional, door di e pintor Arubiano Claude Wever, na Biblioteca Nacional.

Claude Wever, a conta den un entrevista cu DIARIO, cu el a nace na Seroe Colorado, na aña 1954. Ademas di pintor e ta escultor y diaranzon siman pasa, el a presenta un exposicion cu yama “Memorianan Subconsciente”.

“Memorianan Subconsciente ta bay asina aki, cu mi a bishita bastante lugar, y den e lugarnan aki mi a zorg pa haya experiencia, anto den fondo di mi memorianan mi a wanta nan.

Anto saliendo for di e fondo di mi memoria awo, mi a purba trece, anto pon’e riba canvas p’e haya un bida nobo. Asina pa e publico sa cu su memorianan subconsciente ta algo cu consecuencianan cu ta yuda e ser humano bay leu cu e yega di experiencia un lugar cu el a wak den television, riba facebook, den plachi, unda cu ta, pero ora e bin na cierto momento cu e mira den realidad, e ta confronta cu e tabata tey un tempo, mi a wak esey un tempo. Esey ta pone cu crea un arte no ta, traha cosnan bunita so; crea arte ta crea un sistema cu t’asina fuerte, cu e ta manifesta su mes cu e publico y esnan cu ta amante di arte ta bay enamora y aglomera y his’e mas halto den nan perspectiva”, Claude Wever a splica.