Persona importante den mundo di motorcycle a fayece

Kip Hassell a bay sosega

ORANJESTAD (AAN): Tur hende conoce pa su experticio den mundo di motorcycle na Aruba!  Ultimo tempo e tabata sufri di quebrante di salud, y den e anochi di Diaranzon pa Diahuebs, a bin haya su curpa sin bida na su cas.

    Di e forma ey a haya sa, cu a bay sosega e coredor y preparador legendario di motorcycle di Aruba,  Kevin Hassell, mihor conoci como ‘Kip’, conoci pa su team di ‘The Fly Racing’.

    Kip tabatin hopi amigo cu semper ta depende di dje pa asina perfecciona nan motorcycle.  Y su habilidad di supla e bike tambe tabata fenomenal.  Ora cu e mester di recauda fondo, e ta organiza bendemento di cuminda na su cas na Lago Heights, y ta monton di coredor di motorcycle ta yega pa duna un man.

   E ta uno cu semper a sa di sostene y bringa pa motociclistanan wordo reconoci den e mundo di deporte di motor.  Awor cu su fayecimento, lo bay haya falta sigur di mire core cu agilidad y precision riba pista di Palo Marga.

   Na famianan, DIARIO Deporte y tambe Speedworld ta manda e mas profundo palabra di condolencia.