Shurman Milliard, di FTPH ta splica:
ORANJESTAD (AAN)-- Tambe 131 a haya yamada di hobennan, durante temporada di Pasco y Aña Nobo, tocante e hecho cu ora nan mester cuminza bay scol atrobe, e termento ta bin dilanti.
Asina Shurman Milliard a duna di conoce den entrevista cu DIARIO, unda tambe el a referi na e perdida di norma y bao hopi di nos hobennan, awendia.
“Anto, esey ta e Hoeksteen cu nos ta wak cu nos ta wak di e problemanan na e yamadanan, pero tambe den charla y den proyecto: e falta di norma y balor cu na cas ta wordo duna, door di un persona cu ta cuida e hoben”, Milliard a subraya.
El a agrega cu awendia ta influencers, internet, tik tok, cu ta bisa kico e norma y balor lo mester ta. “Nos ta mira cu esaki ta bira mas y mas. E momento cu un mucha ta sinta cu e famia (tata, mama, wela) na mesa, anto combersa, eigenlijk e no ta mas den nos charla, pero tambe na 131 nos ta haya sa cu esaki ta pasa por ta dos biaha den un siman, cu nan ta sinta cu un mama of un tata of tur hunto; kiermen e ta birando menos y menos”, Shurman Milliard a splica.
El a señala cu door cu e mucha no tin un overdracht di norma y balor di su famia, eynan otro problemanan lo por cuminza door di a busca kico abo ta, y kico ta bo norma y balornan.
