ORANJESTAD (AAN): Ivo Valdes di Organizacion Pensionadonan Publico Arubano (OPPA) ta mustra cu 2023 ta un aña di reto. Prijs di cuminda ta sigui subi, incluyendo cuminda saludable. Pero pensionadonan no tin modo pa cumpra cuminda saludabel.
Consecuencia di esey ta cu pensionadonan por bira malo di salud cu esaki, y esey ta bay pone aun mas presion riba e
costonan di AZV.
Valdes a expresa cu ora di drenta supermercado y wak e prijsnan, e situacion aki ta papia pa su mes caba. Si wak esnan cu tin entrada chikito, manera e pensionadonan cu tin un pension so. "Webo a subi, aros, bleki spam, cu ta cosnan cu e hendenan ey ta come. Esey nan no por afford y te hasta esey ta birando caro", a expresa.
"Poco poco nos mes ta matando nos hendenan y kere mi cu AZV ta hisa su maneho pa mantene gasto, pero cu e tipo di cosnan aki, e gasto di AZV ta bira hopi mas grandi", e representante di OPPA a remarca.
E pensionadonan ta comiendo cuminda cu no ta saludabel y cuminda saludabel ta hopi caro na Aruba, a declara.
