ORANJESTAD (AAN): Pelican Adventures ta invita tur hende cu ta buscando trabou pa asisti na nos Job Fair ariba Diabierna, 16 di Augustus 2024,
na oficina principal situa na final di e caya di La Quinta Resort na Eagle Beach, (J.E. Irausquin Blvd 232, Aruba) for di 10'or di mainta te cu 6'or di atardi.
Durante mas di 38 aña, Pelican Adventures ta un lider den e industria di turismo di Aruba, ofreciendo nan clientenan experiencianan unico riba laman, tera, y culinario. Nan servicio ta duna prioridad na sostenibilidad y experiencianan inolvidabel. Nan team members ta nan mayor riquesa.
Actualmente nan ta ofrece e siguiente posicionnan di trabou: Land Tour Guides, Boat Captains, Boat Mates, Marine Maintenance Mechanics, Marine Maintenance Helper, Mairne Operations Coordinator, Restaurant Supervisor, Facility Operation Manager y Sales Agents.
Si bo ta balora integridad, excelencia y kier ta parti di un team cu ta crea experiencianan inolvidabel, Pelican Adventures ta invita bo pa asisti na e job fair diabierna 16 di augustus 2024 y posiblemente join famia di Pelican.
