Magaly Brito di SEPPA:
ORANJESTAD (AAN): Magaly Brito di Sindicato SEPPA a duna di conoce cu pa loke ta Arubus, den e ultimo protesta di e trahadonan mester a duna SEPPA un carta caminda cu den su opinion na e momentonan aki no por pone fondonan pasobra tin un plan di mehoracion.
A bisa cu di otro banda e minister ta menciona tambe cu e ta pidi SEPPA pa pone un fecha pa sinta na mes y reuni. "Esaki ta factibel y nos a informa nan cu no ta factibel pa SEPPA hacie. SEPPA por reuni na cualkier momento. Ta keda na minister, hunto cu e raad e momento si nan tin un director interino pa e ora e partidonan por bay bek na mesa pa por yega na un solucion".
E solucion mester ta pa e trahadonan y na mesun momento pa loke ta trata e preocupacion di minister cu ta pa papia cu ta bay tin un reorganisacion na Arubus, Brito a indica.
Arubus nunca tabatin un situacion caminda a genera hopi placa cu e mes por a carga su mes. P'esey tin un acuerdo di servicio cu Pais Aruba pasobra ta duna servicio na grandinan, di scol na un prijs cu ta mas abao di locual ta su costo real. Diferencia ey, e pregunta ey ta: ken tin cu pag'e, e representante di SEPPA a declara.
P'esey ta hopi importante pa e compania y gobierno por yega na un solucion riba ken ta bay pag'e y gobierno pag'e tambe door di duna fondonan extra locual lo duna un oportunidad na Arubus pa tambe nan por haci inversionnan y duna un miho servicio y hasta duna e trahadonan un miho compensacion, Brito a expresa.
