Payroll Pro HRM a organisa un tayer na Alhambra Ballroom

ORANJESTAD (AAN):  E equipo di Payroll Pro HRM a organisa un tayer pa presenta e ultimo desaroyonan di e programa di payroll y HR.

Durante e tayer aki, un cantidad grandi di compania y organisacion por a wak y experencia tur e innovacionan mas reciente di Payroll Pro HRM. Payroll Pro HRM ta un software cu ta wordo desaroya na Aruba door di Gamma IT Solutions y ta wordo distribui pa e VCC International NV, tur dos ta compania local.

            Durante e presentacion a trece dilanti con e software ta duna beneficionan grandi na cada compania y con e payroll y HR ta integra di un manera eficiente.

            Ademas, a presenta tocante e importancia pa tin un programa di payroll y HR cu ta corecto y a demostra e diversidad di rapportnan disponibel den Payroll Pro HRM.

            Aparte di ta presente na e presentacion, tur invitado por a disfruta di un desayuno delicioso prepara door di e team di Divi Resorts. Tur invitado tambe a participa pa gana un doorprize fabuloso cual tabata un weekendstay na Radisson Blu.

            Jane Vermaas di VCC International NV ta comenta “Nos ta sumamente contento di por a duna un presentacion na diverso companianan tocante Payroll Pro HRM. Nos di VCC International ta sumamente orguyoso di e producto di calidad cu nos ta ofrece, sin laga afo e support profesional cu nos ta brinda tur nos clientenan. Tur nos consultants semper ta cla pa duna support na nos clientenan y nan ta un team cu ta conta cu gran experticio pa cu e programa.” 

            E team di Payroll Pro HRM ta inmensamente gradici cu e team di Divi Resorts pa nan profesionalismo y pa yuda nos host e evento aki na Alhambra Ballroom.

            Ademas, Payroll Pro HRM kier duna un danki na un y tur cu a participa na e tayer aki.

Payroll Pro HRM ta keto bai e programa di payroll y HR mas completo di Caribe.