Patricia Ruiz-Bartholomew a baha cu pensioen na WEB Aruba

Despues di 30 aña di servicio

ORANJESTAD (AAN): Recientemente e empleadonan di diferente departamento a bini hunto pa tuma despedida di Patricia Ruiz-Bartholomew, secretaria di gerencia di WEB.

   Patricia a cuminsa traha na 1993 y den su funcion di directiesecretaresse a sirbi no menos cu 5 diferente director di e compania. El a cuminsa su carera na WEB como Sectorale Administratie Medewerker na WDI y na 2003 el a promove pa Directie Secretaresse cual funcion el a eherce te final di su carera.

   Durante e encuentro ameno, director actual, Alfredo Koolman a aprecia Patricia pa su bon trabao y dedicacion na tur momento. Tambe a hiba palabra ex-directornan Jossy Lacle y Luis Oduber y e sector managernan, hefenan di departamentonan, empleadonan di sectorale medewerksters y demas empleadonan hopi yega na Patricia.

   Tur a expresa nan aprecio pa Patricia y tabata di acuerdo cu Patricia ta caracterisa pa su trankilidad y discrecion, cual tabata habilidadnan di suma importancia pa por a haci su funcion di Directiesecretaresse durante un periodo asina largo. Tambe a hiba palabra colega secretaria di gerencia di NV Elmar,

   Sigur, nos tur lo haya Patricia su falta pero nos ta desea Patricia tur cos bon pa e etapa nobo den su bida y pa disfruta di su pensioen bon mereci.