ORANJESTAD (AAN): Janella Orman, marketing events coordinator di Paseo Herencia a mustra con riba e ultimo dianan di aña,
e shopping mall tabata yen-yen di tanto turistanan, y tambe hende local.
Nan a cera 2024 hunto cu Grupo di Betico cu a entretene publico di comienso te fin na un forma cu nan so por. El a bira un tradicion pa basta tempo caba
Paseo Herencia na un forma festivo a bisa ayo na 2024 cu pa nan tabata basta exitoso, cu diferente campaña cu a wordo bon acepta pa publico, incluyendo proyectonan cu a sirbi pa ‘duna bek na comunidad’. Aki Orman a menciona e.o. ‘Gift of Sports’, ‘Gift of Education’, y den 2024 a bin tambe cu ‘Gift of Education USA’.
Orman cu sonrisa a splica cu pa 2025 nan tin diferente actividad nobo planea na Paseo Herencia, incluyendo tiendanan nobo. Tur espacio di negoshi den Paseo Herencia lo bay ta ocupa, y esey ta algo sumamente positivo y indicativo di tur e positivismo na caminda. Nan ta contento cu tur bishita di publico eynan durante e 12 lunanan cu a pasa,
E biaha aki a haci entrega di un cariño na Hubert Tiel di DIARIO pa e bon cooperacion ricibi durante 2024 na cada proyecto y actividad na Paseo Herencia.
