ORANJESTAD (AAN): Dutch Caribbean Nature Alliance (DCNA) ta invita studiante di 12 pa 14 aña cu ta biba na Aruba, Boneiro, Corsou, Saba, Sint Maarten y Sint Eustatius pa participa na e di dos entrega di Gran Quiz Bibo pa Mucha!
E ta gratis, online, bibo, interactivo y ta contene pregunta tocante e bestianan di Caribe Hulandes. E quiz divertido aki ta na Ingles, pero e preguntanan tambe lo tin subtitulo na Hulandes y Papiamento. Varios scol den henter Caribe Hulandes ta participando. E studiantenan por participa online desde nan cas of na evento escolar. Tuma contacto cu DCNA awe pa haya sa con pa organisa un evento na bo scol! Bo por join bo so of bo por forma un team cu un maximo di 4 amigo/ famia / compañero di scol. E team ganado lo gana un trip riba barco di bela of un trip di snorkel rond di nan isla. Percura pa registra riba biglivenaturequiz.org.
Fecha y ora
E studiantenan di e seis islanan di Caribe Hulandes di 12 pa 14 aña y mas bieu ta invita pa participa na e di dos concurso anual Big Live Nature Quiz pa mucha. E quiz ta tuma luga diaranson dia 20 di october, di 10:00 am pa 11:30 am AST.
Team
Participa bo so of forma un team cu un maximo di 4 amigo / famia / colega.
Luga
Por participa na dos manera. E participantenan por hunga online desde nan cas cu amigo y famia of nan por participa na un di e hopi klasnan cu ta host e evento!
Reserva bo luga
E gruponan cu ta consisti di un pa cuater miembro mester registra di antemano na biglivenaturequiz.org pa participa.
Rekisito
No ta necesario prepara bo mes of studia di antemano pa e quiz. E unico cos cu bo mester pa participa ta un registracion online (biglivenaturequiz.org), un conexion di internet, un computer, un telefon pa contesta pregunta y un bon actitud.
Si bo forma un team y bo ta participa desde bo cas, bo mester reuni fisicamente dilanti di 1 computer y solamente mester di 1 telefon celular pa team pa manda contesta di team.
Si bo inscribi na bo scol, solamente bo mester registra online (biglivenaturequiz.org) y trece un telefon celular of smart device para manda e contestanan.
Tema: Bestia di Caribe Hulandes
E quiz ta bay tin un total di 35 pregunta di escogencia multipel. E quiz ta bay ta na Ingles, pero e preguntanan lo tin subtitulo na Hulandes y Papiamento tambe. Lo tin cinco categoria: Bestia di lama, Bestia cu ta biba riba tera, Especie special y Hende y Naturalesa.
Premio
E team ganado lo gana un trip riba boto di bela / un trip di snorkel rond di su isla. E teamnan cu keda na di dos y di tres luga lo haya t-shirt y pechi.
Quiz anual pa adulto y mucha
DCNA ta apoya Fundacion di Parke Nacional Aruba, STINAPA Bonaire, CARMABI y Corsou, Saba Conservation Foundation, STENAPA y St Eustatius y Nature Foundation Sint Maarten, entre otro, cu su programanan di educacion tocante naturalesa. Big Live Nature Quiz online a wordo crea pa educa e ciudadanonan tocante conservacion di naturalesa na un manera interactivo y divertido, pa haci nan orguuyoso di naturalesa di e islanan, pa encurasha practica ecologico, pa apoya e proyectonan di conservacion di parke y conecta e personanan den henter Caribe Hulandes cu otro. Esaki ta un evento anual pa adulto y mucha. E proximo edicion pa adulto ta planea pa primavera di 2022.
Big Live Nature Quiz ta financia generosamente pa Ministerio di Agricultura, Naturalesa y Calidad di Alimentos (LNV) y e actividadnan di DCNA ta conta cu apoyo di Loteria Nacional di codigo postal Hulandes.(NationalePostcode Loterij)
Sigui e Big Live Nature Quiz en vivo.
