ORANJESTAD (AAN): Diadomingo dia 20 di augustus proximo,
Parokia Birgen di Fatima ta organisa un encuentro pa famia di 9’or di mainta te cu 3’or di merdia. Esaki lo tuma luga riba e parking lot di misa.
E dia di famia tin como obhetivo pa anima e pueblo di Dios pa cana hunto como un Iglesia Sinodal, pa nos comparti cu otro y reforsa e pastoral di famia.
Lo tin cuminda, wega di mesa, actividad cultural, Dino Jump pa e muchanan. Tambe lo tin un simposio cu e tema “Famia y Bida”.
Rev. Pastoor Jozef Pelc y Rev. Diacono Michael Nicolaas ta invita tur parokiano y e pueblo di Aruba en general pa asisti na e Dia di Famia.
