Park Rangernan a bay haya sa mas di arkeologia di Aruba

ORANJESTAD (AAN); Pa sigui avansa nos rolnan como autoridad di conservacion, colaborado, educador y facilitado, e Park Rangernan y demas funcionario di Park Authority di Aruba Conservation Foundation a uni un biaha mas cu Museo Arkeologico Nacional Aruba.

   Den e sesion aki a ricibi un informacion actual di arkeologo Harold Kelly, tocante e orientacion di Aruba su arkeologia y cultura nativo.

   Den e siguente simannan nos lo ricibi un sesion mas specialisa ariba e pinturanan di indjan Caquetio dentro di Parke Nacional Arikok, un area di naturalesa protegi maneha pa ACF.

   Park Authority kier extende nan gradicimento na Museo Arkeologico Nacional Aruba pa e bunita sesion aki. Bo sabiduria y pasion lo yuda nan sigui proteha Aruba su herencia.