ORANJESTAD (AAN): Un caso sumamente tristo a tuma luga na Yucaipa California, casa di un Nurse kendea fayece apenas dos siman pasa di Covid-19, awor e tambe a fayece tambe na man di e virus, lagando atras 5 yiu.
Daniel Macias di 39 aña di edad a worde diagnostica di Covid despues cu su esposa Davy Macias di 37 aña, un nurse a duna luz na un yiu muher. Tur dos a worde interna den hospital despues cu nan a worde diagnostica, 8 dia prome cu e señora a fayece su yiu a nace.
Nan a desaroya sintomanan di Covid despues cu nan a bishita un beach y despues un Parke di recreo di awa interior. E mama tabata un nurse na e Kaiser Fontana Medical Center y a yuda pashentnan durante di henter e pandemia. Ambos no tabata vacuna, nan a worde influencia pa tantisimo informacion eroneo cu ta circula, asina familiarnan a laga sa.
Despues cu e casa Daniel a worde interna den ICU y poni na mashin el a pidi pa tur su yiunan si worde vacuna, esey tabata su ultimo deseo. E yiunan cu a keda atras tin 7, 5, 3 y 2 aña y un baby di apenas 3 siman.
Esaki ta un di e casonan mas tristo di e pandemia na Merca, sinembargo tin mas casonan caminda cu parehanan ta fayece casi hunto pero no asina hoben. Aki por mira cu e variante Delta no ta haci wega, si bo no ta vacuna bo riesgonan ta hopi mas halto di worde hospitalisa y tambe fayece.
