Paranda Nacional di Dande Escolar a bishita Colegio Sagrado Curazon na Savaneta

ORANJESTAD (AAN): Diaranson mainta riba 1er dia di scol pa 2026, e asina yama “Paranda Nacional di Dande” riba nan

trailer cu speakers, danki na Go Cultura Foundation a pasa bishita scolnan rond di Aruba.

   E mainta ey, esnan cu a forma parti di e Paranda Nacional di Dande a biba algo berdaderamente special. 

E Paranda Nacional di Dande di Diaranson mainta tabata cu e voz di futuro.  A duna e stage, e mic, y e confiansa na e ganadornan di Festival Infantil y Hubenil di Dande y loke nan a duna nos bek a supera tur expectativa.  Pues tabata uno di Puresa. Balentia. Orguyo. Identidad.

   E cantantenan Cislainey, Alyna, Elias, Shalixiënne, Lizienne y Georvin a canta cu berdad, y Aruba y e muchanan di scol a scucha.   Go Cultura Foundation ta profundamente agradecido cu nan a logra yega na 9 scol.  Pues nuebe scol cu a habri nan portanan, nan curason y nan comunidad na e Paranda Nacional di Dande.

   Maestronan y alumnonan extraordinario, cu un calor cu no por wordo siña den buki.  Pesey ta manda un danki di curason na e muchanan, na e hobennan cantante, nan mayornan y famia cu a confia Go Cultura Foundation cu nan yiunan.  Na e scolnan, directivanan y maestronan cu nan recepcion y respet.

   Na e musico- y coristanan, na Thunder & Lightning cu a maneha sonido cu profesionalismo, na e chauffeur Darwin cu a hiba na cu seguridad y calmo, na e ekipo di Fundacion Go Cultura, riba caya y tras di cortina.

   Cu gratitud na e partnernan y patrocinadornan cu a confia y sostene e vision: Aruba Tourism Authority, Click Print Aruba, Departamento Di Cultura Aruba, Unoca Aruba, Setar NV, Queen Beatrix International Airport, Prome Ministro y Ministro di Cultura Sr. Mike Eman, VNO - Vertegenwoordiging van Nederland in Oranjestad y Subway Aruba.  Tambe tur hende cu a yuda, ahusta y resolve pa haci e dia di Diaranson posibel.

   E Paranda Nacional di Dande no ta djis musica, e ta transmision, e ta herencia bibo.  E ta memoria cu ta pasa di man pa man, di bos pa bos.  Diaranson mainta nan no a djis canta Dande, nan a mas bien ‘sembra’ Dande.  E simia di berdad ta bon planta.

   Aki por mira mas di nan bishita na Colegio Cristo Rey na Savaneta.