ORANJESTAD (AAN): Paradise Beach Villas a honra su trahadornan di departamento di Housekeeping durante e siman Internacional di Housekeeping, cu a tuma luga e di dos siman di luna di September.
Durante e dia di apertura Señor Freddy Albertus, Managing Director, a elogia e trabao incansabel, dedicacion y pasion di e personal di housekeeping pa semper bay e extra mile y entrega un trabao di calidad pa e nos huesped por disfruta.
Señora Lillian Britten, Resort Manager, a expresa su gratitud y reconocimiento pa cada un di e trahadornan presente.
Yina Maduro, Hefe di Recurso Humano, tambe a duna un pabien na cada un den un siman asina especial manera Siman Internancional di Housekeeping. Managers di Housekeeping Señor Alex Krozendijk y Señora Jeanette Kaersenhout a busca un bunita flanel colo cora, un tas y un boter di awa pa tur por haya. Un di actividad cu mas gusta durante e celebracion aki ta e Bingo.
Pabien especial ta bay pa Ricardo Rosario cu a gana un Weekend Stay. Un danki diparti di tur e Managers di Paradise Beach Villas pa cu e invitacion di e desayuno, cushina door di e trahandoran mes, kendenan a demonstra un biaha mas nan habilidadnan culinario.
Un sentimento di gratitud ta bay pa e siguiente personanan cu a forma parti di e celebracion: Hubert de Cuba ken a duna e training titula Housekeeping Safety Awareness; Ruth Schoop pa su workshop di Salud Mental; Paradise Beach Villas pa invita tur su trahadornan di Housekeeping pa pasa un dushi dia na waterpark; Gina Pieters y Esther Lacle pa yuda organisa Housekeeping Week.
Na Management di Paradise pa semper pone su trahadornan na prome luga. Y un danki di curason pa Mr. Steven & Mrs. Valerie Brodbeck cu durante nan vakantie a sorprende tur staff cu un bunita regalo traha door di nan pa e trahadornan di Houseekipng.
E gesto aki ta demostra un biaha mas cu nan huespednan ta aprecia y valora e trabao di nan Housekeeping Department.
https://diario.aw/categories/noticia/general/paradise-beach-villas-a-celebra-siman-di-housekeeping#sigProId5e8d8d7ac6
