Parada di Noord tabata chikito pero cu fenomenal ambiente

ORANJESTAD (AAN): Diasabra atardi a tuma lugar e tan anticipa Parada di Mucha na Noord,

unda ya for di trempan di mainta caba tabatin publico banda di caminda ta warda nan espacio pa por mira e Parada.

   E ruta di Bubali pa Noord a yena cu musica ora cu e Parada a cuminza pasa, y por a mira caranan feliz y contento di e muchanan cu tabata goza di nan atardi.  Nan tabata jump, nan tabata canta, nan tabata bula paki-paya.  Otronan a busca lugar pa sconde pa solo, y tin cu a hasta pega soño dado momento.

   Beyeza total tabata diferente roadpiece cu a keda presenta, y a genera aplauso di publico na banda.

   E ambiente tabata den tur skina, aunke e parada no tabata hopi largo.  Pero e beyeza, e fantasia, y gozo di e muchanan tabata totalmente admirabel.