Parada di Luz San Nicolas a luci den tur su splendor

ORANJESTAD (AAN):  Diahuebs anochi pueblo di Aruba y principalmente esnan pariba di brug por a disfruta di un mahestuoso Parada di Luz di Aruba su carnaval number 69.

            A conta su participacion di 6 grupo: Royal Carnival Group, Dushi Carnival Group, Empire Carnival Group, Infinity Carnival Group, TOB Carnival Group y Champagne Carnival Group. E parada a sali 8 pm for di Joe Laveist Sport Park cual a finalisa mesun caminda.

            Publico por a gosa di basta colorido y splendor, ademas di e ambientun bon anima den henter e ruta.

            Aruba ta preparando awor pa e Parada Grandi di San Nicolas Diasabra proximo cual lo cuminsa pa 12or di merdia. E Parada Grandi na Playa lo ta Diadomingo saliendo 11 am for di Avenida Milio Croes, finalisando na LG Smith Boulevard banda di 6 pm.