Parada di Fantasia a laga publico agradablemente sorprendi

ORANJESTAD (AAN): Ta hopi hende mes a acudi Diadomingo atardi pa San Nicolas,

pa asina presencia e evento di Parada di Fantasia, poni riba programa di SMAC awor pa reemplaza e “Parada di Blaas” di antes.

   Y por a mira cu e gruponan cu a participa a sa di pusha e fantasianan di mas extremo, y sigur otronan cu a cay hopi na agrado cerca muchanan para banda di caminda.

   Parada di Fantasia a cuminsa net na ora, esta 2:00 pm saliendo for di banda di Joe Laveist Sportpark.  Tabatin na comienso aki-aya problema cu sonido, pero tur esaki despues a wordo soluciona y e parada a move cu mucha- y hobennan alegre participando den dje.  Pabien na tur esnan cu a haci Parada di Fantasia uno inolvidable.