Parada Acustico a tuma lugar un biaha mas

Chico Harms cu informacion:

ORANJESTAD (AAN) – Manera ta conoci e Parada Acustico a tuma lugar, na San Nicolas, un biaha mas. Chico Harms a duna di conoce cu esaki ta e di tres biaha cu e gruponan a subi caya, pero e bez aki ta mucho miho cu esnan anterior.

            Harms a bisa cu e ta mira cu aki dos aña nan lo tin’e completo, manera ta nan deseo, y esaki ta algo completamente diferente na loke lo por mira riba caya na luna di Augustus y cuminzamento di September.

            E parada aki a cuminza na aña 2011, segun Harms a menciona. Nan a inicia cu e parada cultural mes, cu nan tine na Augustus-September, pero si ta tres aña pasa cu nan a cuminza cu ne. E hendenan cu ta join ta bin cu ideanan nobo, cu ta wordo acepta y traha riba dje.

            Na nan yegada na Centro di Bario Bario, e grupo Azucar a toca, y e biaha aki lo canta cantica di caya dia 27 y 28 di Juli awo, pasobra nan tin mas mucha e aña aki. Asina Chico Harms a menciona.