Dia di Prensa
ORANJESTAD (AAN) Awe riba e dia tan importante cu ta dia di prensa, DIARIO ta desea tur esnan laborando den e mundo aki un feliz dia. No tin cu lubida e importancia di un periodista pasobra, mas sabi e ta, mihor sociedad lo ta. Pasobra motibo cu hende ta lesa of scucha loke un periodista of locutor ta bisa, ta pa mihor informa nan mes. Mihor e docente ta… mihor e studiante lo ta.
Na diferente ocasion tabatin medio di prensa na Aruba cu a publica “storianan ficticio” cu nan a tuma over di websites cu ta publica noticia sarcastico, pues noticia cu nan ‘mes a inventa’.
E periodista sabi hamas lo haci esaki, como cu di antemano bo por check e fuente pa bo haya sa si e storia ta berdad of no. No djis kere ciegamente cu cualkier noticia manda via WhatsApp of riba YouTube. Kende cu ta por ‘inventa’ storia eyriba. Lo mas lamentabel ta cu hopi hende ta kere ciegamente tras di e relatonan ey.
Prensa cu añanan di experiencia tey pa informa riba un forma intergro, honesto y capas. Y cada periodista ta sinti e necesidad primordial, pa keda informa digno pueblo necesariamente y no laga e.o. ni colornan poilitico influencia e poder di prensa.
Prensa ta haci su best pa keda riba e nivel cu pueblo a custumbra di ta y cambia esaki solamente ora cu e ta pa mehora. Feliz dia di prensa, merecidamente boso por celebra esaki cu orguyo. Ta boso por haci e diferencia y ta obliga pa haci’e , esey si ta eherce loke bo ta haci cu amor y dedicacion.
