Amy Richards:
ORANJESTAD(AAN): Den un entrevista cu Amy Richards, Program Manager di Pan American Development Foundation (PADF), el a splica cuanto mucha na Aruba ta wordo yuda pa e fundacion.
Segun Richards, mirando cu na Aruba ta existi e ‘leerplicht’ unda cu tur mucha tin e derecho y obligacion di bay scol, nan tin hopi espacio pa desaroya nan mes y saca mas posibel di nan mes.
“Nos ta duna nan hopi oportunidad aki na Aruba y bo ta wak cu na ta traha cu tur nan esfuerzo tambe pa nan por yega mas leu”.
Pa cu esaki organizacionnan manera 131 ta duna nan e sosten cu nan tin mester, si acaso nan no tin hende pa papia cu nan y guia nan, segun Richards.
El a sigui bisa cu PADF ta mas cu contento pa sostene 131 den nan proyecto ‘My Story’cu ta un proyecto cu ta stimula empatia entre hobennan local y imigrante, pa asina reduci discriminacion y xenofobia.
Segun Richards, hopi di e casonan cu PADF ta atende cune ta casonan entre otro di mayornan cu no tin un entrada fiho y ta core riesgo di no por cumpra suficiente cuminda pa e famia.
Den e casonan aki PADF ta haci lo maximo pa duna asistencia.
“PADF si enfoke ta riba e comunidad vulnerable riba nos isla, unda cu nos tin un vision pa yuda migrantenan cu a bin establece nan mes na Aruba, pero nos ta compronde tambe cu un organizacion cu tey no por solamente yuda 1 nacionalidad of 2 nacionalidad”.
Nos tey pa yuda tur persona, segun Richards.
