Acusacion contra Evelyn por a bira caso den Corte pafor di Parlamento
*Avestruz a desaroya den e nucleo directo di e partido dirigi pa Mike
*No tin sosten mas bergonzoso cu presencia di criminal den Parlamento
ORANJESTAD (AAN) — Awe historia politico di Aruba lo conoce uno di su momentonan mas dramatico na momento cu e supuesto bijeenkomst di Parlamento wordo habri pa asina na vispera di un eleccion, destrui e imagen di Prome Ministro Evelyn Wever-Croes.
Tristo ta cu den e caso aki, ta mishi cu Prome Ministro Evelyn Wever-Croes cu ta e gobernante cu a percura pa integridad bira visibel pa medio di e forma cu ta castiga corupcion, cu a afecta bienestar di Aruba manera e casonan cu Corte a trata di exponentenan di AVP for di inicio di siglo 21, a prueba.
Cu e participacion di Prome Ministro Evelyn Wever-Croes mester a causa basta desesperacion cerca un grupo di Miembronan di Parlamento cu ta bon na haltura di e sosten cu Prome Ministro ta disfruta cerca Pueblo di Aruba, ta enorme, ta un hecho.
Sinembargo, sala di Parlamento no por bira escenario di intentonan politico dor di oponentenan di Prome Ministro Evelyn Wever-Croes, cu ta na haltura cu loke nan expresa den Parlamento, den confrontacionnan pafor di Parlamento por a haci cu Prome Ministro Wever-Croes ta duna inicio na un caso huridico pa pidi Corte di Husticia drecha su nomber y reputacion cu actualmente ta wordo expone na peligro dor di politica.
Kico ta pasa na e momentonan aki no mester di nomber y splicacion. For di 2023 DIARIO a adverti pa un campaña politico cu posiblemente lpo baha for di tur nivel pa asina por evita cu Pueblo di Aruba ta duna sosten na Prome Ministro Evelyn Wever-Croes cu a percura saca Aruba for di e abismo cu Gobierno Mike Eman a bira pa e Pueblo di Aruba.
Tristo den henter e caso aki ta, cu no tin nada cu ta sikiera duna un indicacion cu Prome Ministro Evelyn Wever-Croes por ta meti den algo cu ta daña su bon nomber.
Contrario na esaki, e reputacion di Prome Ministro Evelyn Wever-Croes ta halto na firmamento di Reino y di mundo pa e logronan grandi cu como lider di Aruba el a alcansa pa Aruba.
E intentonan di oposicion di Aruba pa pone nomber di Prome Ministro Evelyn Wever-Croes na discusion ta sumamente tristo, sigur si tene na consideracion cu e mes partidonan cu awor ta bay contra Prome Ministro Evelyn Wever-Croes hamas a pone na discusion e papel di Mike Eman den e caso Avestruz, cu oficialmente a produci di Corte di Husticia y di Corte Superior castigo di prison pa Benny Sevinger, cu te awe a keda den Parlamento di Aruba y gana placa di e Pueblo di Aruba cu mester paga belasting.
E capitulo cu awe un oposicion cu a forma su mes a base di kiebra di un acuerdo di coalicion dor di partido Raiz, ta crea pa Aruba, ta sumamente cuestionabel pasobra pafor di Parlamento ta haci manera no tin ningun intento contra e bon nomber y reputacion di Prome Ministro Evelyn Wever-Croes pero ya e motibo di reunion a mishi cu e bon nomber di Prome Ministro.
E motibo pa awe Prome Ministro Evelyn Wever-Croes mester presenta pa duna splicacion enfrente miembronan di Parlamento ta, cu algun Miembro di Parlamento ta haci uzo di representacion di Pueblo den Parlamento pa acusa Prome Ministro Evelyn Wever-Croes di ta mete su mes directamente den loke ta toca Ministerio Publico.
Pues aki ta lanza un acusacion serio contra Prome Ministro Evelyn Wever-Croes. Si e acusacion aki a wordo lastra pafor di seno di Parlamento, Prome Ministro Wever-Croes por a hiba tur esnan envolvi Corte di Husticia pa defende su bon nomber y reputacion.
Sinembargo den Parlamento, e miembronan aki por sconde tras di inmunidad politico loke ta haci cu nan por destrui nomber di cualkier persona, sin miedo cu por hiba nan dilanti Huez.
Esaki ta nifica cu e areglo di Parlamento, cu ta e instituto cu mester percura pa nunca nomber of reputacion di un persona wordo kibra cu mal intencion, ta uza e derecho cu nan tin hasta pa defende integridad di Prome Ministro Wever-Croes como ciudadano di Aruba, pa nan mishi cu bon nomber di Prome Ministro Wever-Croes.
Tristo den henter e historia aki ta, cu uno di e personanan cu lo cuestiona integridad di Prome Ministro Wever-Croes lo ta Benny Sevinger, cu ta den Parlamento pasobra Mike Eman a exigi pa Benny Sevinger ta Miembro di Parlamento di Aruba, aunke esaki tin resultado bergonzoso pa Aruba ya cu condena di Huez fortifica pa Corte di Husticia, a declara Benny Sevinger como delincuente.
Por bisa aki cu Mike Eman si a uza su poder politico pa Benny Sevinger, sentencia na castigo di prison, ta Miembro di Parlamento di Aruba?
Mientras oposicion di Parlamento ta mishi cu bon nomber di Prome Ministro Wever-Croes cu e hermentnan cu Pueblo a duna Parlamento pa sirbi Pueblo, e Miembronan di Parlamento nunca a cuestiona con ta posibel cu den caso Avestruz, exponentenan directo y clave di partido AVP, bou nanishi di Mike Eman cu defende Benny Sevinger manera un leon ta defende su yiu, e caso por a desaroya sin cu Mike Eman tabata na haltura.
Mike Eman si publicamente a bay contra loke a pasa cu Benny Sevinger y a exigi Pueblo di Aruba paga salario di Benny Sevinger den Parlamento, loke ta destrui cara di Aruba.
Na e momentonan aki mayoria di poblacion di Aruba ta en espera di dia di awe, ora sala di Parlamento lo wordo uza pa oposicion haci uzo di e arma cu cual nan mester defende hasta dignidad di Prome Ministro Wever-Croes como ciudadano segun ley, pa nan haya voto den eleccion.
