ORANJESTAD (AAN): Pa un alumno por atende e aña escolar 2021/2022, e mayor of voogd mester presenta nan prueba di pago di “Schoolgeld” y “Aircogeld” haci na SKOA.
Pa e motibo aki Aruba Bank kier recorda tur su clientenan pa haci e pago di Schoolgeld Online prome cu 31 di juli, 2021.
Na momento di pago di “Schoolgeld”, ta importante pa tin e siguiente informacion di bo yiu: Number di AZV di studiante, Nomber y Fam di studiante, Nomber exacto di e scol cu e yiu lo atende.
Tur pago lo mester wordo haci ariba e cuenta bancario di SKOA, Stichting Katholiek Onderwijs Aruba.
Cliente di Aruba Bank por haci pago via Aruba Bank Online of Aruba Bank App, den e “Address Book”, busca “SKOA Schoolgeld”.
Cliente di otro banco local por haci pago via Online Banking of transferencia bancario cu su banco ta ofrece. E suma exacto mester wordo transferi ariba cuenta di SKOA na Aruba Bank menciona ariba, incluyendo e informacion exacto di studiante y e scol.
Pa tur cliente di Aruba Bank cu paga SKOA prome cu 31 di juli 2021, uzando un di e metodonan di pago Online, ta participa pa gana AWG 500!
