‘Cartanan Dramatisa’
ORANJESTAD (AAN): E organizacion di Art Rap Foundation lo ta presentando pa tres anochi, e obra teatral titula ‘Cartas Dramatizadas’ den caya principal na San Nicolas.
Nan ta invita comunidad di Aruba pa bishita e produccion di teatro comunitario na den Caya Principal di San Nicolas riba Diabierna 1 di Mei, Diasabra 2 di Mei, y Diadomingo 3 di Mei. E lo ta cuminzando pa 7:00 pm.
E ta wordo presenta pa Art Rap Foundation cu apoyo di Fondo Conmemorativo pa Esclavitud, e presentacion inmersivo y interactivo aki ta reuni mas cu 12 artista riba escenario, explorando historia, memoria y identidad colectivo.
“Cartanan Dramatisa” ta un experiencia educativo y participativo, transformando espacio publico den un escenario bibo unda publico ta invita pa involucra, reflexiona y conecta.
Entrada ta gratis y habri pa tur publico. Recomenda pa mucha di 10 aña, hoben y adulto.
