ORANJESTAD (AAN): Lo bay tin un desvio basta grandi pa gran parti di e siman aki den oranan di anochi. DOW a anuncia, cu entrante Diamars 13 di juni 2023, sigui te cu Diadomingo 18 di juni 2023, entre 7’or di anochi pa 7’or di mainta lo cera rotonde di Tanki Flip.
Esaki lo socede pa 6 anochi y marduga consecutivo, y DOW a
indica cu esaki ta pa haci trabaonan di asfaltamento.
E ta un trabao grandi, y pesey mes ta importante pa cera e caminda den oranan di anochi pa asina e efecto riba trafico lo ta minimo. Prome lo bay ‘frees’ e caminda, y despues pone capa nobo riba dje.
A ser splica, cu e ruta di desviacion lo ser indica cu borchi y baricada di aviso. Esnan di Playa pa Noord, lo wordo desvia na Ponton via di Tanki Leendert pa yega eynan bek.
Esnan moviendo di Noord pa Playa, lo wordo desvia via cruzada di Shaba bay pa Boegoeroei y Bubali, pasa door di Hato, Pitastraat, y subi caminda di Cocorobana pa yega bek den Ponton.
E ruta di desviacion lo ser indica cu borchi y baricada di aviso.
