ORANJESTAD (AAN) — E hoben Arubiano Naomi Wever, ta un di e studiantenan di Arkeologia di Universidad di Leiden, cu ta participando hunto cu tres studiante Hulandes, den e “Field School”, organiza pa Museo Arkeologico Nacional Aruba (MANA), bao guia di Arkitecto Harold Kelly y
cu ta tumando lugar na e Sitio di Bringamosa.
Naomi a referi na nan programa di estudio durante e diferente añanan cu e carera ta encera.
Den e prome aña, el a splica, nan ta orienta nan mes den Arkeologia Mundial; den e di dos aña nan tin oportunidad di scoge vak recht y gebid Caribe. Den e ramo aki e studiantenan cu ta coriendo stage na Aruba, nan kier specializa.
E oportunidad a presenta pa acumula experiencia aki na Aruba, hunto Harold Kelly y Museo Arkeologico, y manera a wordo bisa, nan lo keda akinan tres siman.
Banda di e experiencia nan ta akinan pa conoce y familiariza nan mes cu e tipo di materialnan cu ta aparece na Aruba, y den area di Caribe.
“Apenas nos tin tres dia trahando y mester custumbra un poco cu e solo y e santo, pero e oportunidad ta un experiencia unico y nos ta entusiasma pa continua cu e proyecto aki”, Naomi Wever a expresa.
