Pa prome biaha damanan di Formacion Social a ricibi nan baret

ORANJESTAD (AAN): E prome preparacion di Formacion Social di hende muher, a termina cu e parti militar siman pasa.

   Diaranson cu a pasa a ricibi e grupo aki na Marinierskazerne Savaneta por medio di e asina yama ‘binnenklappen’. Di biaha e cursista nan a ricibi nan baret. Minister di Husticia di asuntonan social, sr. Rocco G. Tjon tambe tabata presente e siman aki. Esaki ta prome biaha cu hende muher ta ricibi un baret.

   Formacion Social ta un formacion cu ta consisti di e parti militar cu tin un duracion di 4 luna y un parti cu ta pa stage y tin un duracion di 8 luna. E formacion tin como meta yuda e hubentud cu tin biaha tin di haber cu problema nan social. Durante e fomacion e hoben nan aki ta siña traha hunto, respet, regularidad, responsablidad y disciplina. Nan ta haya un formacion militar basico y na final nan ta ricibi un baret y tambe un certificado.  Despues di esaki e hoben nan mester cumpli cu un periodo di stage cu tin un duracion di 6 luna te cu 1 aña. Despues di esaki nan ta completa e formacion. Unabes e hoben nan finalisa e trayectoria, nan ta clap a subi e mercado.

   E parti militar di e formacion social tin un duracion di 4 luna cu ta tuma lugar na Marinierskazerne Savaneta. E instuctor nan ta militar nan di ARUMIL. Tambe Gobierno di Aruba ta pone hende na disposicion pa e formacion. Durante e trajectoria militar e hoben nan ta siña entre otro ehersicio manera, deportivo y tambe nan ta siña tactica nan pa defende nan curpa. Nan ta finalisa e parti militar cu un ehersicio final cu ta dura 1 siman. Den e caso aki te cu diaranson.

   Convenant: Den luna di februari di e aña aki, Gobierno di Aruba y Defensa Hulandes hunto a firma un asina yama convenant. E convenant ta un desarollo di un palabracion cu ja caba tabata existi y describi den e Landspakket. Desde aña 2021 structuralmente 1 biaha pa aña ta tuma lugar e formacion cual un ta di hende muher y e otro di hende homber. Esaki tin un capacidad maximo di 30 persona pa cada formacion. Cu e convenant nobo, a habri porta pa formacion social pa hende muher.