Minister Ursell Arends a duna di conoce:
ORANJESTAD (AAN) – Den entrevista cu DIARIO, Minister di Medio Ambiente a menciona cu pa KPA pone multa na esnan cu ta tira sushi den nos ciudad y otro lugarnan rond di Aruba, mester pone camara pa identifica nan.
Pesey gobierno a bay di seroe di sushi na Dump di Parkietenbos, na instalacion di mas di 250 camara, strategicamente, full rond di Aruba.
El a menciona cu ultimamente su persona, cu colaboracion di Minister Tjon y Minister Dangui Oduber a coopera pa instala camaranan den e centro di Oranjestad, y aworaki e ta trahando conhuntamente cu Minister Tjon pa instala pa financia e instalacion di camaranan den e areanan cu nan ta ripara cu constantemente, desperdicionan ta wordo deposita.
Asina nan lo tin miho control pa asina aki por capta e personanan cu ta haci e actonan contra ley aki. Esaki ta locual nan ta encaminando y despues cu nan tin e costonan na mesa, nan lo cuminza ubica e fondonan pa tin e camaranan strategicamente instala den e areanan unda sushi ta wordo tira constantemente.
Aruba su leynan ta cla pa tuma e tipo di medidanan aki pero e decreto ministerial mester wordo revisa tambe pasobra kizas e boetnan cu mester paga no ta afecta e ciudadano tanto.
Na Hulanda y otro paisnan den e region, e sumanan ta hopi mas halto pa esnan cu ta comete e tipo di actonan aki. Asina e dignatario a remarca.
