Rubiella Toppenberg, Trahado Preventivo:
ORANJESTAD (AAN)—Den conferencia di prensa di Fundacion Anti Droga Aruba (FADA), e trahado preventivo Rubiella Toppenberg, a menciona cu riba dia 26 di October aki, tambe ta bay tin algo nobo den cuadro di e siman na bisti na locura y Red Ribbon Week.
Esaki ta algo cu pa añanan FADA ta scucha cu hopi hende kier mire den e siman di cinta cora, y nan a involucre e aña aki. Esaki ta “Team of Jersey Day”. Pa e dia aki bo ta bisti un jersey faborito, pa mustra cu bo ta hiba un bida saludable.
Rubiella a indica cu no necesariamente mester ta un jersey specifico, por ta un flanel plain of di e color di bo tin faborito. “Bo por skirbi, por plak un sticker of bo por ta creativo cu bo jersey. Si bo tin un team oficial, tambe bo mag participa cu ne”, Rubiella a agrega.
El a subraya cu e idea tras di henter e siman ta “ta creative basic”. E ultimo dia, cu ta 27 di October, por corda e añanan anterior cu hopi hende a print un flanel, skirbi of plak algo riba dje, y den e caso aki, por ehemplo por print algo dilanti of patras di e flanel cu un logo cu mester ta riba e tema di salud mental.
Pa participa ta bay riba e pagina di FADA www.fada.aw unda ta mira un banner cu ta click riba dje y direct ta haya un pagina unda bo ta yena bo informacion, nomber, etc., upload bo potret di e dia, bo ta submit’ e y FADA mes ta ricibi’e y esaki ta bay riba e facebook oficial di FADA.
