Pa di 6 biaha Centro di Bario Noord a haci entrega di Premio Meneer Ovito Tromp

ORANJESTAD (AAN): Na 2016 directiva di CBN a dicidi pa introduci un premio pa duna reconocimento na baluartenan

di e districto di Noord cu pa varios aña na un manera of otro a of ainda ta aporta grandemente na nos dushi districto.

            No solamente nos ta reconoce e echo cu ta importante pa duna balor na nan trabou awo cu nan ta na bida, pero tambe nos ta di opinion cu un premio asina por forma incentiva pa e generacion nobo por haya e smaak pa tambe aporta na nan bario.

            Na 2016 sr. Chua Faro a ricibi e Premio Meneer Ovito Tromp, na 2017 srs. Julian Eli Pers (awe d.f.m.) y Isnardo Faro, na 2018 sra. Rosalinda ‘Tanta Lily’ Luydens, na 2019 sra. Guillermina ‘Mina’ Tromp y na 2023 sra. Margarita Roza-Christiaans. Personanan cu pa añanan largo a y te ainda ta aporta grandemente na nan dushi Districto di Noord.

            E aña aki a otorga e premio na sra. Edna Zievinger.

            Edna a nace y crece den Noord, den su bario stima Sabana Liber. Tety of Tanty ta nombernan di cariño cu su subrinonan a dun’e. Edna ta un persona hopi disciplina, corecto y si e pone un meta, e ta traha pa logr’e.

            Prome cu Edna a baha cu pensioen ya e tabatagusta deporte. Edna a practica entre otro Basketball, korfball, Tae Bo, Hiit fit y gym. 12 aña pasa Edna a cuminsa cana. Djey e canamento a bira cana core y a dicidi di join un team. Basta aña Edna a forma parti di e team di Malmok Runners y 2 Fast 4 U.       Actualmente Edna ta forma parti di e team Vipers Strong. Edna ta un dama hopi active, cu hopi energia y ta motiva hopi persona rond di dje. Keto bay e ta inspira e chikito, hoben y adultonan pa nan tambe core. Sigur esnan di su famia.

            Edna su hobby coremento a bira su pasion. Edna su rutina di dialuna pa diahuebs ta di lanta 3:45 am pa start y riba diasabra pa su “long run” nan. Edna a yega di subi podium hopi biaha pa tuma su premio of medaya den su categoria di 60+. Hasta ora Edna bay cu vakantie e ta busca online si por tin un evento cu e por participa na dje. 

Edna a participa den diferente careda of marathon manera : Ronde van Aruba, Betico Run y Boulevard Loop. E parti aki tabata pa nosconoce Edna un tiki mas y mustra con activo etabata y ta ainda, no obstante su edad. 

Pa loke ta trata su trabounan boluntario. Di 2017 te cu 2019 Edna como miembro di e grupo 60+ Liber Liber di Pro Juventud Savannah a yudaspecifcamente cu laga e Adultonan Mayor move e curpa y asina keda den movecion y activo.  

Desde 2019 Edna ta boluntario na Pro Juventud Savannah como secretaria di Directiva. Edna ta un secretaria dinamico y responsabel. Den 1 pa 2 dia e ta manda e notulonan di reunion. Edna ta bisa:”Traha e notulonan mesora, ta spaar botrabou y tempo, pasobra ainda bo ta corda ful e reunion”. 

Despues di Covid, directiva di Pro Juventud Savannah a lanta e grupo Café Feliz Savannah. Edna ta forma parti tambe di e comision di Café Feliz Savannah cu ta percura pa brinda actividadpa 55+. Den e comision aki, Edna ta encarga cu e parti di secretaria pero tambe cu e parti financiero, contacto cu Cede Aruba y duna gym durante e encuentronan. Hunto cu otromiembronan di comision Edna