ORANJESTAD (AAN): Otro siman, e Consul General di Portugal lo ta na Aruba, esta Dr. Licinio Bingre do Amaral.
Directiva Di Fundacao Social Cultural Portuguesa, ta anuncia bishita di Consul General di Portugal na Caracas Venezuela Dr. Licinio Bingre do Amaral conjuntmaente cu oficial di Consulado Señora Marlene Ramos de Andrade.
Motibo di bishita na nos isla ta pa tin oportunidad di comparti cu e comunidad Portugues y Luso-Arubano pa duna e informacion necesario referente documento nan importante manera “passaportes y cartões de cidadão”.
Lo por topa cune Dialuna dia 24 di Mei 2021 di 8:30 am pa 1:00 pm. Tambe Diamars 25 di Mei 2021 di 8:30 am pa 1:00 pm. Esaki lo ta na Club Primavera, cu ta situa na Primavera 1.
