ORANJESTAD (AAN): Colegio Nigel Matthew ta prepara pa otro siman, nan tene nan di dos ‘Mercado di Estudio y Profesion’ den oranan di anochi.
Nan a invita diferente profesional hoben pa presenta dilanti klas pa conta un poco tocante nan estudio y nan carera. Di e forma ey studiantenan ainda tin chens pa escoge ta ki carera nan lo kier tin den futuro, y den ki direccion nan dirigi nan estudio.
Nan lo tin presentacion di e.o. Docter, Abogado, Psicologo, Enfermero, Ingeniero, IT’er, Manager, Business Advisor, y mucho mas.
E anochi aki lo ta Diahuebs 14 di November 2024 na Colegio Nigel Matthew mes na San Nicolas. E lo ta for di 6:30 pm te cu 8:30 pm. E anochi aki lo tin 2 sesion, esta di 6:30 pm te 7:15 pm, y di 7:30 pm te cu 8:15 pm.
