Orlando Chang Jr. ta campeon di e di 3 edicion Sapato Blanco

ORANJESTAD (AAN):  Prome di december ultimo a tuma luga e di 3 edicion di e campeonato “Sapato Blanco” unda cu a determina e ganadornan di aña 2024.

E campeonato aki ta ser organisa dor di e miembro nan di Pluma Gang y asina diverti hungando domino durante aña. E aña aki mirando e cantidad di competidornan cu a aumenta, organisadonan a dicidi di aumenta e cantidad di premio cu ta ser otorga. E trofeo nan a ser gana como lo siguiente:

1. Orlando Chang Jr.
2. Siguerd Obispo
3. Nevelle da Costa
4. Errel Kelly
5. Orlando Chang Sr. “ Papa Chang”. 

            Apesar cu Pluma gang ta organisa e campeonato Sapata Blanco full aña, durante nan actividad di 'Christmas Dinner' tambe nan ta organisa 1 torneo yama “Torneo Pasco Blanco” y asina determina 2 ganador pa e torneo aki. Segundo luga di e torneo aki ta keda den man di Claudio “ Roy” Quandus y Campeon ta Ecky Toppenberg. 

            Pluma Gang completo kier yama danki na tur esnan cu a yuda organisa e evento aki y alavez kier gradici Mr. Gillmar Werleman pa su aporte y motivacion pa encurasha nan deporte faborito esta DOMINO.