Organizacion Old Skool a entrega varios plaquette na esnan cu a sostene evento grandi di Harley 120 aña

ORANJESTAD (AAN): Organizacion local di ‘Old Skool’ cu a organiza varios actividad relaciona cu observacion mundial di 120 aña di existencia di Harley Davidson,

a logra organiza algun rides unda hasta un grupo di HOG Medellin a bin te Aruba pa participa na esaki.

   Na final como gratitud pa e inmenso ayudo cu nan a ricibi, e organizadornan a dicidi na entrega un plaquette na tur esnan cu a yuda y duna nan granito de arena pa asina e evento a bira exitoso.

   A duna Plaquette na e.o. Dino Roos di HOG 297, tambe HOG Medellin, tambe Cerbeseria Balashi, Express Events Aruba, Fabian Hurtado, Aruba Tourism Authority, Hubert Tiel di Speedworld, y John Tromp.

   Como cu no tabatin persona di Aruba Tourism Authority presente pa ricibi e plaquette, a toca honor pa Hubert Tiel bay haci entrega di esaki na e directora Ronella Croes.  El a splica cu pa nan, ta un placer pa sostene eventonan cu ta cuadra den e vision di Aruba, pues bishitantenan cu lo gusta y disfruta di un isla manera Aruba, y nan ta uni nan mes na organizacionnan cu ta bon pa prepara eventonan asina aki.