ORANJESTAD (AAN): Manera cu DIARIO a anuncia caba, tanto Diahuebs siman pasa y tambe Diadomingo, tabatin ganador di e sorteo di Lotto di Dia.
E sorteo di Diahuebs anochi a produci e numbernan ganador 01, 07, 12, 17, y 21.
A bin resulta cu Olivia tabata e ganadora maximo di e premio aki di Diahuebs anochi. Pesey riba Diabierna mes el a acudi na oficina di Lotto na Playa pa reclama su premio.
Aki mesora a check si el a pone su firma na e banda patras di e ticket, y despues a scan e barcode. E computer a divulga inmediatamente cu Olivia a gana 61.000 Florin.
Mesora a cuminza cu e proceso pa transferi e premio electronicamente pa su cuenta di banco. Olivia a indica cu e ticket ganador mes el a cumpra na Happy Day Lottery.
