ORANJESTAD (AAN): Diasabra cu a pasa, a cumpli 162 aña di comienzo di e Guera di Restauracion di Republica Dominicana.
E ta un fecha special cu ta pa rindi tributo husto na e heroenan cu a debolbe na pueblo Dominicano nan soberania, cu a wordo perdi despues cu el a cay bao control di Spaña.
Pesey na Aruba, Fundacion Dominicana Arubanse Juan Pablo Duarte a conmemora e 162 Aniversario di Restauracion di Republica Dominicana. Nan a haci esaki cu nan presencia na Plaza Juan Pablo Duarte na Playa, unda cu orguyo nan a presenta un ofrenda floral pa conmemora e acto importante aki.
