Kico ta bo(so) percepcion di turismo como residente di Aruba?
ORANJESTAD (AAN): Como parti di A.T.A. su responsabilidad, ta haciendo un encuesta cu miembronan di nos comunidad pa asina por midi e percepcion cu nos residentenan tin di turismo na Aruba.
E encuesta aki ta basa riba e mesun preguntanan di e encuesta di percepcion local cu a wordo haci na 2018 y tin como meta principal pa por ricibi informacion di kico e residentenan di Aruba ta pensa y sinti di turismo na Aruba.
A.T.A. ta spera di por ricibi participacion amplio di nos residentenan riba e encuesta aki. Mientras e encuesta ta keda anonimo, como muestra di aprecio pa participacion, tin 3 premio pa rifa entre e participantenan cu kier yena nan informacion personal pa premio. Ultimo dia pa participa den e encuesta aki ta dia 1 di juni 2022.
Di antemano A.T.A. kier gradici tur participante di e encuesta aki!
