Sharlyn Farro, Presidente
ORANJESTAD (AAN): Siman pasa a celebra Dia di Enfermeria y den cuadro di esaki, Sharlyn Farro, Presidente di ODEA, Organisacion di Enfermeronan di Aruba, a duna di conoce cu actualmente enfermeria ta stabiel na Aruba, cuido ta wordo duna y ta tumando lugar hopi innovacion.
Sinembargo, a enfatisa cu e deficit di nurse ta keda y cada instituto a pone nan iniciativanan pa asina cada nurse por sinta nan bon, a pesar cu e fecha e aña aki a cay cerca di Dia di Mama.
El a bisa cu enfermeria a haya su atencion di cada instituto meymey di tur e dianan liber cu tabatin. Esey a laga e nurse sinti cu e ta importante den cuido, Farro a indica.
Sharlyn Farro a laga sa cu ODEA tin su retonan y esaki ta cu locual nan ta bezig cu ne cu ta e BIG wet. BIG wet ta den proceso ainda. A cuminsa cu registracion y ainda falta hopi informacion. ODEA no ta haya tur informacion manera ta desea.
Ta constantemente cu reunion den cuadro di esaki cu Kwaliteit Raad. Tur stakeholder a haya oportunidad pa nombra nan representante y esey ta algo positivo pasobra e bos tey. Pa ODEA esey ta e enfoke aworaki.
Awor despues di e Siman di Enfermeria e focus tambe lo ta eleccion ya cu tin cu cambia di directiva pa asina sigui cu e reto
